Hello!TaoTao
taotao的网络家园
今日新知: 尻 (普通话读音[kāo])
In: Uncategorized
18 Jun 2009尻
出自維基百科，自由嘅百科全書
「尻」（讀音: gäw）原本係指人體脊柱嘅尾段，即係尾龍骨嘅位置，因為讀音同古時嘅正字：「尸」下面加個「求」嘅讀音一樣，於是香港人就直接將哩個「尻」字變成粗口所指嘅賓舟；亦有好多人會寫個「鳩」字嚟代替，但哩個只係假借嘅諧音字，佢原本係一種雀鳥嘅名，亦都讀做 gau1（用作鳩字時候經常被人誤講做「溝」音），同賓舟係完全冇關係嘅。
目錄
[收埋]
1 外文
2 俗寫
3 用法
4 文法
4.1 「尻」作名詞用嘅其它例子
4.2 「尻」作助詞用嘅其它例子
4.3 「尻」作形容詞用嘅其它例子
5 常見嘅單獨字句應用
6 諧音引申
6.1 「膠」
6.2 圖案代表
7 相關連結
外文 [編輯]
喺日本，「尻」哩個漢字可以指屁股，或者係結尾，例如一個姓氏「澤尻」，意指沼澤嘅下游。
俗寫 [編輯]
廣東話粗口用嘅「尻」，俗寫係「門」字裏面加個「九」字（），意思及用法同個「撚」字都好相似：
用法 [編輯]
作名詞用，「陽具」嘅意思，量詞係「條」或者「碌」。例子：
留得碌尻在，那怕冇女屌！
睇吓邊個條尻大啲？
語氣助詞，本身冇意思，用作加強語氣。例子：
屌尻你！（加強「屌你」嘅語氣。）
多尻餘 （加強「多餘」嘅語氣。）
點尻樣呀你？ （加強「你想點樣」嘅語氣。）
用以加強堅決嘅語氣，例子如下：
是尻旦／求尻其 （冇所謂，隨便嘅意思；有「唔好再問我」嘅意味。）
罷尻就 （就咁算數；有「唔會再有第二次機會」嘅意味。）
話尻之你 （隨便你；有「堅決唔再理會」嘅意味。）
助詞，可以作為顛倒句子意思。例子：
有尻野玩！（冇嘢好玩。）
有尻女望！（冇女好望。）
形容詞(1)，形容呆頭呆腦嘅樣。例子：
尻下尻下（呆滯笨拙。）
形容詞(2)，形容人奸狡無良嘅時候，前面通常會加個撚字；或者形容冇主見而令人覺得好麻煩嘅人。例子：
條友仔好撚尻！（嗰個人好鬼死奸狡。）
屌條友仔諗嚟諗去都唔知想點，尻到死！（唉嗰個人唔知佢諗想點，好鬼死麻煩。）
文法 [編輯]
講粗口嘅時候，「尻」字同「撚」字意思同性質係好似，都係好少單獨字咁使用，多會夾雜喺句子中加強語氣，文法同「撚」字一樣，基本上可以同「撚」字互換嚟用或者一齊使用。例子：
好悶呀！ → 好尻悶呀！／好撚尻悶呀！（好鬼悶！／悶到發神經！）
我話之你死 → 我話尻之你死（我決定唔會再理你）
「尻」作名詞用嘅其它例子 [編輯]
鳩細冇女要，鳩長俾狗噍 市井創作俗句之一，意思即係：陽具好細冇女性會接受，陽具大則會被狗咬噬。
「尻」作助詞用嘅其它例子 [編輯]
打鳩佢 狠狠咁打佢一餐。哩個比起「打佢一餐」嚟得更狠更用力。
「尻」作形容詞用嘅其它例子 [編輯]
戇鳩鳩／戇撚鳩 愚昧笨拙到唔識形容。
已故創作演藝名人黃霑曾在一篇訪問對數種形容陽具的俗名分類
賓州 : 指未發育，大小如花生米的小童的陽具 撚 : 指已發育的成年人的陽具 柒 : 指應該勃起卻仍然垂軟的狀態 尻 : 指在不適當的時間/場合無故勃起，令人尷尬的狀態
常見嘅單獨字句應用 [編輯]
尻毛 陽具上嘅陰毛。
戇尻 愚昧笨拙，多數用嚟鬧人講咗（或做咗）冇意義或者無聊嘅話（或者事情）。
戇尻仔／佬／妹 意思同上，用嚟形容人嘅名詞。
尻屎 多數形容嗰啲一朝得志就乘機哂命，不可一世嘅人，有所謂「尻屎撐撐」；亦有形容狡猾講大話，或者麻麻煩煩嘅人。例句：呢條友仔成身名牌渣住架波子，你睇佢幾咁尻屎！（哩個人成身都係名牌兼渣住架保時捷跑車，你睇佢嗰個不可一世嘅衰樣！）。喺2006年，香港人喺 MSN 用語中將「尻屎」講成「9s」。
尻噏 胡言亂語唔知講乜、作大、信口開河嘅意思。「噏」讀作「UP」，唔識中文輸入嘅人會寫成「9up」。
好尻雀躍 照字面解，好嘅陽具應該好似生猛嘅雀仔咁活躍；但一般係用嚟形容萬分高興嘅情緒。
唔尻化 思想守舊古板，唔開化。
尻芝媽碌 形容人講嘢語無倫次雜亂無章，或者做事一塌糊塗。
搲(“ngau”)撚哂尻頭 其實係由「搲(“ngau”)哂頭」演變出嚟，抓爛頭皮諗極都諗唔明嘅意思；哩句係比諗極都唔明更加犀利誇張嘅形容詞。
尻埋一堆 莫明其妙嘅組合詞語，意思即係走埋一齊，聚埋一堆，尤其是指嗰啲烏合之眾。例句：你咪同班專搞事嘅古惑仔尻埋一堆啦！害尻死你呀！（你唔好成日群埋嗰班專搞事嘅黑社會份子啦，盞俾佢哋害到你雞毛鴨血呀！）
諧音引申 [編輯]
其實有好多場合唔太方便直接用粗口字表達，但為咗要加強語氣又唔想粗口滿天飛，好多人會將粗口字改變成其它嘅諧音字嚟發洩。
「膠」 [編輯]
一路以嚟，坊間都通俗咁流傳用個「膠」字嚟取代「尻」作為同義字，例如有人會講：「你咪亂膠咁講呀」、「咪成舊擦膠咁企喺度啦」、「黐膠花」（引申自「黐尻線」）。
圖案代表 [編輯]
喺網絡社會入面，有人就將「戇尻」讀諧音變成「硬膠」，再簡化成一個「膠」字搬出嚟用，而且有人仲用咗圖畫嚟搞鬼，整咗個小丑公仔嚟做「膠」字嘅專用圖像，如果喺咩網頁咩論壇度見到一個正圓嘅白色面，十字眼，紅紅大鼻同展笑大咀嘅圖案，咁佢多數係代表話人戇尻嘅〈小丑膠神〉嘞。
- Tags: 尻
Comment Form
About this blog
taotao，30岁，男，已婚。现混在上海。
Photostream
- chenjian: Windows Registry Editor Version 5.00[HKEY_LOCAL_MACHINESOFTWARECanon][HKEY_LOCAL_MACHINESOFTWARECano [...]
- 创意图库: 没了？感觉如何呢？手感爽么？呵呵 [...]
- ccuiw: 可是即使翻译完毕之后又如何让其显示中文标题呢？这款主题好像更本不支 [...]
- qzbber0595: 我也是玩WordPress的bber [...]
- taotao: to 培兢 我倒也并不后悔升级iO4S。Folders功能对我来讲已经完全值得升级了， [...]